Россиядә ир-ат сәламәтлеген саклау атнасы уза
Алкоголь безнең организмның күп кенә системаларына, шул исәптән репродуктив системаларга да токсик йогынты ясый. Канга эләккәч, ул тукымаларга үтеп керә, җенес күзәнәкләренең формалашуын начарайта, шулай ук генетик материалның бөтенлегенә йогынты ясый. Алкоголь организмда гормональ үзгәрешләр, канның куеруы, капиллярлар тромбозына кадәр китереп чыгарырга сәләтле.
Тәмәкедә булган химик матдәләр җенес күзәнәкләре өчен агулы һәм эрекциягә һәм балага узу мөмкинлегенә тискәре йогынты ясарга мөмкин.
Безнең организм артык шикәргә мохтаҗ түгел. Ә бил әйләнәсе 102 см дан артык булган ир-атлар өчен (абдоминаль симерү) һәм бөтенләй тыелган. Камыр ризыклары, татлы промышленность десертлары, чипслар, фритюрада ашамлыклар – шикәр һәм трансжир чыганагы. Алар канда холестерин артуга, углевод алмашынуы бозылуга, 2типлы шикәр диабеты формалашуга, тән массасы артуга ярдәм итә. Ә симергәндә фертильлек күрсәткечләре шулай ук кими.