Сәламәт яшәү рәвешен үстерү атнасы
7 апрельдән 13 апрельгә кадәр бөтен ил буйлап Бөтендөнья сәламәтлек көненә (7 апрель) багышланган Сәламәт яшәү рәвешен үстерү атналыгы уза.
Сәламәт яшәү рәвеше (ЗОЖ) — рациональ туклану, физик активлык, әхлакый кәеф һәм зарарлы гадәтләрдән баш тарту ярдәмендә сәламәтлекне яхшыртуга һәм саклауга юнәлдерелгән кешенең тормыш эшчәнлеге.
Сәламәт яшәү рәвеше-барыннан да элек сәламәт гадәтләр. Сәламәт туклану, даими физик активлык, шәхси һәм иҗтимагый гигиена кагыйдәләрен үтәү, дөрес хезмәт һәм ял режимы, уңай кәеф. Һәм, әлбәттә, зарарлы гадәтләр булмау.
Без сәламәтлек турында сөйләгәндә, нәкъ менә физик активлыкны, ягъни физик культура белән даими шөгыльләнүне күздә тотабыз. Шул ук вакытта югары казанышлар спорты критик йөкләнешләр һәм җәрәхәтләнү куркынычы белән бәйле. Спортның теләсә кайсы төре белән уртача шөгыльләнү чыдамлыкны, иммунитетны күтәрүгә, йөрәк-кан тамырлары, сөяк-мускуллар, нерв һәм организмның башка системаларын ныгытуга ярдәм итә.
Сәламәт яшәү рәвешен үстерү атнасының максаты-сәламәт яшәү рәвеше алып баручы һәм системалы рәвештә физик культура белән шөгыльләнүче гражданнарның өлешен арттыру. Нәкъ менә шушы факторлар сәламәтлекне саклауга һәм ныгытуга ярдәм итә. Сәламәт яшәү рәвешен балачактан ук өйрәтергә кирәк, формалашкан дөрес гадәтләрне кеше үзенең бөтен гомере буена алып барсын, шуның белән озак елларга физик, психик һәм социаль иминлекне тәэмин итсен.