24 мартта Россиядә фтизиатр көне билгеләп үтелә
1882 елның 24 мартында Алман микробиологы Генрих Кох дөньяга туберкулез таягын ача. Бу көнне табиб-фтизиатрларның һөнәри көне дип санау кабул ителгән дә инде.
Фтизиатрия - клиник медицинаның туберкулезның килеп чыгу сәбәпләрен, таралу закончалыкларын һәм үсеш механизмнарын, кеше организмында тудырган патологик процессларны һәм аны профилактикалау, диагностикалау һәм дәвалау ысулларын өйрәнә торган бүлеге.
Туберкулез-тамырлары белән бик борынгы заманнарга барып тоташкан куркыныч авыруларның берсе.
Кама Тамагы үзәк район хастаханәсе табиб-фтизиатры Ирек Юныс улы Тәхаветдинов билгеләп үткәнчә, вакытында флюорография, элементар гигиена методлары һәм сәламәт яшәү рәвеше сәламәтлекне сакларга ярдәм итә.
Ирек Юныс улы үзенең һөнәри бәйрәмендә: "Туберкулезны дәвалыйбыз, ел саен флюорография узарга һәм медицина учреждениесенә вакытында мөрәҗәгать итәргә, һәм, әлбәттә, авыру ачыкланган очракта, табибларның барлык киңәшләрен үтәргә кирәк», - дип искә төшерә.
Ә без бу көнне фтизиатр табибыбызны чын күңелдән котларга телибез.
Сезне һөнәри бәйрәмегез-фтизиатр көне белән котлыйбыз!
Сезгә һәм якыннарыгызга зур уңышлар, шәхси иминлек һәм бәхет, нык сәламәтлек телибез.
Пациентлар сезгә рәхмәт әйтеп кенә кайтсыннар!