Күкрәк яман шешенә каршы көрәш атналыгы
2024 елның 14-20 октябрь көннәре Россия Федерациясе Сәламәтлек саклау министрлыгы тарафыннан күкрәк яман шешенә каршы көрәш атналыгы дип игълан ителде.
Ул дөньяда иң киң таралган онкологик авыруларның берсе, ул хатын-кызларда онкология авырулары структурасында беренче урынны алып тора. Куркыныч төркеменә беркайчан да бала тапмаган, озак вакыт эстроген гормонын алган хатын-кызларны, күремнәре иртә башланган яки климакс соң башланган хатын-кызларны кертәләр. Шулай ук артык авырлык, зарарлы гадәтләр, гинекологик авырулар, имгәнүләр һәм сөт бизләре җәрәхәтләре дә куркыныч факторларга керә.
Ләкин уңай тенденция дә бар: хәзерге диагностика методлары сөт бизе яман шешен иртә стадияләрдә ачыкларга мөмкинлек бирә. Ә иртә стадияләрдә ачыкланган онкологик авырулар 90% очракта дәвалана.
Ри куркыныч факторларын минимальләштерергә һәм бу куркыныч авыруның үсешен кисәтергә берничә гади кагыйдәне үтәп мөмкин:
- сөт бизләренең ай саен үз-үзен тикшерүен игътибарсыз калдырмаска;
- гинекологта профилактик карауны елга бер тапкырдан да сирәгрәк узмаска;
- сөт бизләрен хатын-кыз яшенә туры килгән ешлык белән (маммография, УЗИ)скрининг тикшерүен башкарырга;
стресстан качарга;
- дөрес туклануны, зарарлы гадәтләрдән баш тартуны, физик күнегүләрне үз эченә алган сәламәт яшәү рәвеше алып барырга;
- сөт бизләрен механик җәрәхәтләрдән саклау;
- күкрәкне тартмый һәм деформацияләми торган уңайлы эчке кием киеп йөрергә;
күкрәгең ачык килеш кояшта кызынырга ярамый.
Яман шеш үсешен булдырмый калырга, тулысынча савыгу мөмкинлекләрен арттырырга, үткәрелгән дәвалаудан соң рецидивларны булдырмаска профилактик чаралар ярдәм итә.
Шуңа күрә үз сәламәтлегеңне күзәтергә, диспансер күзәтүен, скрининг тикшерүләрен игътибарсыз калдырмаска һәм хәтта кечкенә симптомнар барлыкка килгәндә дә табибка мөрәҗәгать итәргә кирәк.