Россиядә үпкә яман шешен профилактикалау атналыгы уза
Табиблар искә төшерә – куркыныч авырулар бар, аларны булдырмау өчен һәр кешенең билгеле бер мөмкинлекләре бар. Андыйларга үпкә рагы-зарарланган үпкә тукымасыннан үсә торган яман шешле онкологик ясалма керә.
Бу авырудан үлүчеләр саны югары-авыручылар санының 85% чамасы. Моның төп сәбәбе – авыруның соңгы стадияләрдә ачыклануы.
Үпкә рагы куркынычының төп факторлары әйләнә-тирә мохит белән бәйле. Аларның кайберләре кешенең тормыш гадәтләренә керә: тәмәке тарту, пассив тәмәке тарту, зарарлы хезмәт шартлары. Яман шешкә шулай ук туберкулез һәм әйләнә-тирә мохитнең канцероген факторлары йогынтысы китерергә мөмкин.
Үпкә яман шешен профилактикалау яшәү рәвешен һәм туклануны оештыруга кагыла:
- тәмәке тартудан һәм алкогольдән баш тартыгыз;
- иммунитетыгызны ныгытыгыз: саф һавада ешрак булыгыз, чыныгыгыз, актив тормыш рәвеше алып барыгыз, спорт белән шөгыльләнегез;
- һөнәрегез белән бәйле хәвеф-хәтәр факторы булганда, куркынычсызлык техникасын үтәгез;
- даими, баланслы ашагыз, рационда С, Е, В группасы витаминнарына бай яшелчә һәм җиләк-җимешләр мөмкин кадәр күбрәк булырга тиеш.;
- йокының сыйфатын һәм озынлыгын күзәтегез;
- стресс һәм психологик йөкләнеш дәрәҗәсен тикшереп торыгыз;
- даими рәвештә профилактик тикшерү (флюорография) узыгыз.
Үпкә яман шешен булдырмауның иң яхшы ысулы булып тәмәке тартудан һәм тәмәке тартучы кешеләр янында булудан баш тарту тора. Медицина җәмәгатьчелеге мәгълүматлары буенча, тәмәке тартучылар ир — атлар арасында үпкә рагы очракларының 90% составля һәм хатын-кызларда 79% очрагын тәшкил итә. Әгәр сез тәмәке тартасыз икән, бу начар гадәттән котылырга тырышырга тиешсез. Тәмәке тарткан урыннарда булудан сакланыгыз.
Һәм һичшиксез диспансеризация узыгыз.