Спорт һәм физик активлык психик сәламәтлеккә һәм мигә ничек йогынты ясый?
Спорт һәм физик активлык психик сәламәтлеккә һәм мигә ничек йогынты ясый?
Кеше хәрәкәтенең нейро-психологиясе белән шөгыльләнгән күренекле галим, психолог Николай Бернштейн хезмәтләрендә хәрәкәт кешегә тормыш биреп кенә калмый, ә аның миен дә үстерә, дип билгеләп үтелә.
Хәрәкәт һәм психика бердәмлектә. Умырткалыкның бөгелүләре уртача 2 айдан 12 айга кадәр формалаша, һәм баланың мотор функцияләре үсеше буенча аның нейро-психик, димәк, когнитив үсеше турында фикер йөртергә мөмкин.
Умырткалыкның барлык бөгелүләре мотор активлыгына йогынты ясый. Умырткалыкны ныгытып, без көчлерәк булабыз, барлык шартлы-рефлектор бәйләнешләр көчлерәк һәм дөресрәк формалаша.
Тулаем алганда, кеше үзенең физик камилләшүе белән актив шөгыльләнгәндә, аның эмоциональ халәте тотрыклырак, нормаль яки уңай була бара. Ә теләсә нинди уңай эмоциональ күренешләр кешегә зур ресурс бирә. Шулай итеп, физик активлык безгә мускуллар планында гына түгел, ә эчке халәт, барлык органнар һәм системалар эше планында да үсеш алырга мөмкинлек бирә.
Физик күнегүләрнең теләсә нинди төре сулыш алуны да, йөрәк-кан тамырлары системасын да, баш мие эшчәнлеген дә активлаштыра. Ягъни, баш мие кеше үзе идарә итә башлый.
Физик активлык тәннең барлык органнарына, шул исәптән баш миенә дә кислородның актив агымын китереп чыгара. Бу күңелсезлек, депрессия, стресс, йокысызлык кебек күп кенә психик борчылуларның симптомнарын киметергә ярдәм итә.
Актив спорт төрләре белән шөгыльләнеп, кеше үзенең психик үсешенә, физик халәтен яхшыртуга һәм, әлбәттә, когнитив функцияләргә йогынты ясый.