Балалар автокреслосы - мөһим!
Россиядә ел саен аварияләрдә 600 бала һәлак була.
Балаларны автомобильдә йөртү Кагыйдәләре, башка юл хәрәкәте кагыйдәләре кебек үк, кайгылы тәҗрибәгә һәм юлларда үлем статистикасына нигезләнә. Машина йөртүче һәрвакыт автомобильнең югары куркыныч чыганагы булуын истә тотарга тиеш. Һәм машина пассажиры никадәр яшьрәк булса, бу куркыныч шулкадәр югарырак. Баланың сәламәтлеге өчен өлкәннәр җавап бирүен аңлау мөһим, һәм алар аның куркынычсызлыгы турында алдан кайгыртырга тиеш.
Баланың автомобильдәге куркынычсызлыгы өчен иң мөһиме - ул авария очрагында җәрәхәтләрдән коткаручы автокресло.
Автокресло сатып алуның 5 сәбәбе:
1. Закон: балалар туганнан алып 12 яшькә кадәр автокреслоларда булырга тиеш (юл йөрү кагыйдәләре 22.9 28.06.2017 No 761).
2. Канлы статистика әйтүенчә, тагылмаган балаларның 20% ы үлә, калган 80% ы авыр җәрәхәтләр ала.
3. Автокреслолардагы балалар аварияләр вакытында имгәнүләрне өч тапкырга сирәгрәк ала.
4. Кече яшьтәге балалар турында сөйләсәк, автокресло аларны коткарып кына калмый, ә әти-әниләренә юлдан читкә тайпылмаска да ярдәм итә.
5. Куркынычсызлык культурасы: әгәр бала автокреслода эләктерергә күнеккән икән, олы тормышта да куркынычсызлык каешын эләктерәчәк, бу гадәт рефлектор дәрәҗәдә калачак.
Экспертлар киңәшләре: беркайчан да моны эшләмәгез:
- "Үсешкә" автокресло сатып алмагыз. Зур булган автокресло каешлары баланы бәрелеш вакытында тотып тора алмаячак. Бала белән каеш арасында кимендә ике бармак булырга тиеш. Әгәр бу ара зуррак булса, андый кресло баланың гомерен саклап кала алмый.
- Җылы өске киемгә төренгән баланы автокреслога утыртырга ярамый. Юл-транспорт һәлакәте вакытында бала аннан шуып чыгачак. шуңа күрә салкын вакытта бала автокреслода куртка-тунсыз утыра алсын өчен автомобильне алдан ук җылытыгыз.
- Файдаланылган автокреслоларны сатып алмагыз. Әгәр яңаны сатып алу мөмкинлеге булмаса, ул чагында креслоның авариядә булмавын белсеннәр өчен, тотылган креслоны таныш кешеләрдән сатып алыгыз. Юл-транспорт һәлакәтеннән соң кресло коткармый бит, аны ташларга кирәк.