Физик активлыкның билгеләмәсе һәм файдасы
Физик активлык нәрсә ул?
Бөтендөнья сәламәтлек саклау оешмасы билгеләве буенча, физик активлык – ул скелет мускуллары тарафыннан барлыкка китерелгән нинди дә булса тән хәрәкәте, ул энергия сарыф итүне таләп итә. «Физик активлык» термины теләсә нинди хәрәкәт төрләренә карый, шул исәптән ял вакытында, нинди дә булса урыннарга сәяхәт иткәндә һәм кире кайтканда яки эшләгәндә. Сәламәтлекне яхшыртуга уртача һәм интенсив физик активлык ярдәм итә.
Физик активлыкның популяр төрләренә җәяү йөрү, велосипедта йөрү, роликлы конькида шуу, спорт белән шөгыльләнү, актив ял итү һәм уеннар керә, алар өчен теләсә нинди осталык дәрәҗәсе яраклы һәм һәркемгә рәхәтлек китерә.
Физик активлыкның файдасы.
Регуляр физик активлык йөрәк авырулары, инсульт, диабет һәм кайбер яман шеш авырулары кебек йогышлы булмаган авыруларны профилактикалауга һәм дәвалауга ярдәм итә.
Ул шулай ук гипертонияне булдырмаска, нормаль тән авырлыгын сакларга һәм психик сәламәтлекне яхшыртырга, тормыш сыйфатын һәм иминлекне яхшыртырга ярдәм итә.
Күбрәк хәрәкәт итегез! Бу гомерне озайта һәм сәламәтлекне ныгыта!