Россиядә 100 һәм аннан да күбрәк яшьтәге 9600 кеше яши
Россиядә 100 һәм аннан да күбрәк яшьтәге 9600 кеше яши
Бу хакта геронтология һәм гериатрия буенча VII Бөтенроссия конгрессында Россия Сәламәтлек саклау министрлыгының штаттан тыш баш гериатры Ога Ткачева сөйләде.
Ога Ткачева мәгълүматлары буенча, Россиядә Эшкә яраклы яшьтән өлкәнрәк 36 млн кеше яши, шул исәптән 26 млн өлкән кеше. Алар арасында 9600 100 яшьтән өлкәнрәк кешеләр.
Поликлиникаларда терапевтларга мөрәҗәгать итүче пациентлар арасында өлкән яшьтәге пациентлар өлеше 45% тәшкил итә. Ә менә мондый пациентларны профилактикалау үзәкләрендә яртысыннан артыгы — 55%.
- Сәламәтлек саклау системасы өлкәннәр белән 40-50% эшли. Шуңа күрә бүгенге көндә башка белгечлекләр табибларын өлкән яшьтәге пациентларга медицина ярдәме күрсәтү күнекмәләренә өйрәтү мөһим.Алар егылу, йөрү бозылу, депрессия, хәтернең кимүе, ачлык, сенсор дефициты (күрү, ишетү проблемалары), шулай ук мәрхәмәтсезлек, көч куллану, ялгызлык кебек симптомнарга игътибар итәргә тиеш, болар барысы да классик гериатрия синдромнары, диде Ога Ткачева.
Россия Сәламәтлек саклау министрлыгының штаттан тыш баш гериатры шулай ук билгеләп үткәнчә, бүген табиблар бик күп хроник авыруларны күрә, шуңа күрә төрле белгечлекләр табиблары белән генә түгел, социаль хезмәткәрләр белән дә хезмәттәшлек аеруча әһәмиятле.