Кан тапшыруга ничек әзерләнергә?
Кан тапшыруга ничек әзерләнергә? Белгечләр тәкъдимнәре.
Исегезгә төшерәбез, 18 мартта Кама Тамагы үзәк район хастаханәсендә донорлар көне узачак.
Кан тапшыру алдыннан һәм көнендә майлы, кыздырылган, әче һәм ысланган ризыклар, казылык эшләнмәләре, шулай ук ит, балык һәм сөт продуктлары, йомырка һәм май (шул исәптән үсемлек мае), шоколад, чикләвек һәм хөрмә куллану тыела.
Ач карынга кан бирергә кирәкми!
Кайнатма белән татлы чәй, соклар, морслар, компотлар, минераль су эчү яхшырак һәм ипи, сохари, сушки, пешкән ярмалар, майсыз суда макарон, бананнан башка яшелчә һәм җиләк-җимеш ашау яхшырак.
Станциягә килергә 48 сәгать кала алкоголь кулланырга ярамый, ә 72 сәгать кала составында аспирин һәм анальгетиклар булган дарулар эчәргә ярамый.
Иртә белән иртәнге ашны җиңел ашарга кирәк.
Шулай ук кан тапшырырга бер сәгать кала тәмәке тартудан тыелырга кирәк.
Табиблар организмның кан югалтуга иң яхшысы нәкъ менә иртәнге сәгатьләрдә җавап бирүен ачыклаган. Донация никадәр иртәрәк булса, бу процедура шулкадәр җиңелрәк күчерелә.
12.00 сәгатьтән соң даими донорларга гына кан тапшырырга киңәш ителә.
Төнге кизү торудан яки йокысыз төннән соң кан бирергә ярамый.
Имтиханнар, ярышлар алдыннан, проектны тапшырыр алдыннан, аеруча интенсив эш чорына һ. б. кан тапшыруны планлаштырмагыз.
Үзең белән теркәлгән паспорт яисә шәхесне (яшәүгә рөхсәтне) һәм СНИЛСны раслаучы башка документ булырга тиеш.
Бу катлаулы булмаган кагыйдәләрне үтәү тромбоцитлар яки Плазма тапшырганда аеруча мөһим.
Донорлык-мактаулы һәм файдалы миссия.
Исегездәме, кан биреп, сез кемнеңдер гомерен саклап каласыз!