Физик активлык өлкән буын өчен дә файдалы

2024 елның 12 гыйнвары, җомга

Озын һәм кызыклы тормыш алып баруның бер ысулы – көндәлек иртәнге гимнастика белән шөгыльләнү, сузу һәм ачык һавада йөрү.

Ләкин олы яшьтә, хроник авырулар булганда, моны саклык белән һәм әкренләп эшләргә кирәк. Дәресләр вакытында хәрәкәтләр йомшак, авырту китерми торган булырга тиеш. 20 минутлык җылынудан башлап, аның дәвамлылыгын әкренләп арттырырга мөмкин.

Күнегүләр вакытында тәннең барлык өлешләрен кулланырга тырышыгыз һәм импульсны контрольдә тотыгыз. Аның рөхсәт ителгән артуы: 50-70%. Әгәр дә сез арыган булсагыз яки үзегезне яхшы хис итмәсәгез – эшне туктатыгыз.

Олы яшьтәге шөгыльләрнең максаты-спорт югарылыгына ирешү түгел, ә сәламәтлегеңне ныгыту! Шуңа күрә күнегүләр башланганчы табиб белән киңәшләшергә кирәк.