Тәмәке тарту һәм туберкулез
Туберкулез белән тәмәке тарту арасында турыдан – туры бәйләнеш исбатланган: туберкулез белән авыручыларның 95% тәмәке тартучылар; туберкулезның актив формасы белән авыру куркынычы 2 тапкыр арта. Тәмәке тарту туберкулез белән зарарлану куркыныч факторы булып тора һәм инде авыру кешеләрдә үпкә туберкулезы үсешенә һәм барышына зур өлеш кертә.
Ни өчен тәмәке тарту туберкулез куркынычын арттыра?
тәмәке төтенендә агулы матдәләр бар, алар үпкәләрнең саклану функцияләрен көчсезләндерә, аларны туберкулезга күбрәк дучар итә
- никотин сулыш юлларында җирле иммунитетны начарлата.
Тәмәке төтене бронхларның лайлалы тышчасының өстән күзәнәкләренә зыян китерә. Бронхиаль лайланың хәрәкәте акрыная, тәмәке тартучының кавышы барлыкка килә, бронхларның стеналарына зыян көчәя. Бронхиаль лайла вак бронхиаль ботакларны каплый. Бактерияләр һәм вируслар бронхларда тоткарланалар, үрчү өчен яхшы туклыклы мохит алалар. Бу хроник бронхит үсешенә китерә.
Әгәр тәмәке тартучы кеше туберкулезның йогышлы формасы белән авыручы белән элемтәдә булса, бронхларда туберкулез таякчалары үрчи башлый, аларның саны арта, үпкәләрдә тупланмалар барлыкка килә. Организмның саклану көчләре җиңә алмый һәм кеше туберкулез белән авырый.
Туберкулез ничек күренә?
- йөткерү озакка сузыла, бәлки берничә атна һәм аннан да күбрәк дәвам итәр
- температура күтәрелә, башта аз һәм даими түгел, аннары югары була-38 градустан югарырак
- бигрәк тә төнлә тирләү барлыкка килә
- тән авырлыгы кимү
- хәлсезлек
Әгәр диагноз куелгач, авыру тәмәке тартуын дәвам итсә, хроник бронхит фонында туберкулезны дәвалау озакка сузыла, бактерияләр бүленеп чыга, сулыш кысылу барлыкка килә. Тәмәке тартучы кешедә сәламәтләнү авыррак, ә сәламәтләнү белән туберкулезның кабатлану куркынычы саклана.
Әгәр дә сез үзегез тәмәке тартудан баш тарта алмыйсыз икән, Сезгә наркомания дәрәҗәсен профессиональ бәяли һәм дәвалау һәм реабилитация буенча күрсәтмәләр бирә алган табибка мөрәҗәгать итәргә кирәк.
Тәмәке тартуның һәр яңа көне сәламәтлекне генә түгел, гомер озынлыгын да кыскарта, төрле авырулар, шул исәптән туберкулез кебек куркыныч авырулар белән авыру куркынычын арттыра!
Тәмәке тартудан баш тартыгыз!